فوائد اللب الأبيض لصحة القلب والكوليسترول
اللب الأبيض، أو بذور اليقطين، مليان فوائد صحية ومغذية للجسم، عشان كده هو إضافة مهمة لأي نظام غذائي صحي.
وفي تعليقها على الموضوع، قالت الدكتورة نهلة عبدالوهاب، استشاري البكتيريا والمناعة ورئيس قسم التغذية الحيوية في مستشفى جامعة القاهرة
إن اللب الأبيض مش مجرد تسالي بين إيدينا، لكن ليه فوائد صحية كبيرة، خصوصًا لما نتكلم عن صحة القلب والكوليسترول.
ليه اللب الأبيض مفيد للقلب والكوليسترول؟
أوضحت “عبدالوهاب” إن اللب الأبيض غني بالألياف الغذائية، اللي بتساعد في تحسين صحة القلب والجهاز الهضمي، كمان بتساهم في إحساسك بالشبع وتحسين وزنك، واللي هما عاملين مهمين لحماية القلب والأوعية الدموية.
وأضافت كمان إن بذور اللب مليانة معادن زي المغنيسيوم، الزنك، والحديد، اللي ليهم دور كبير في دعم وظائف الجسم المختلفة.
وفيه فوائد تانية لللب الأبيض، زي:
غني بمضادات الأكسدة اللي بتحمي الجسم من الأمراض المزمنة وبتقي الخلايا من التلف الناتج عن الجذور الحرة.
بيساعد في تحسين صحة العظام.
بيقلل مستويات الكوليسترول الضار.
بيساهم في ضبط مستويات ضغط الدم بفضل المغنيسيوم وفيتامين ب.
