نصائح لتقليل التوتر والقلق قبل امتحانات الثانوية العامة

مع أقتراب امتحانات الثانوية العامة نجد أن التوتر والقلق من أبرز التحديات النفسية اللي بتواجه طلاب الثانوية العامة، خصوصًا مع اقتراب الامتحانات، وده بيأثر بشكل كبير على تركيزهم وأدائهم. علشان كده، مهم جدًا نحافظ على التوازن النفسي والاستقرار الذهني خلال الفترة دي.

وفي السياق ده، قدمت داليا الحزاوي، مؤسسة ائتلاف أولياء أمور مصر والخبيرة الأسرية، مجموعة من النصائح المهمة للتعامل مع التوتر والقلق أثناء موسم الامتحانات:

تهيئة جو مناسب للمذاكرة: من أهم أدوار الأسرة توفير بيئة هادئة ومريحة، مع تقديم الدعم النفسي والتشجيع المستمر. الكلام الإيجابي عن الدراسة والامتحانات بيقوي ثقة الأبناء في نفسهم وبيقلل من التوتر.

الاهتمام بالتغذية السليمة: التغذية الصحية ليها دور كبير في تحسين المزاج. تقديم أطعمة زي الشوكولاتة الداكنة والموز ممكن يرفع الحالة النفسية ويساعد على التركيز.

تنظيم الوقت وجدول المذاكرة: وضع جدول منتظم للمذاكرة والالتزام بيه بيساعد الطالب يحس بالإنجاز وبيقلل شعوره بالضغط وقلة الوقت.

أهمية النوم الكافي: النوم الجيد عنصر أساسي لتقليل التوتر وتحسين التركيز. لازم الطالب يحرص على عدد ساعات نوم كافية ومريحة.

ممارسة الرياضة الخفيفة: حتى لو بسيطة، التمارين بتجدد النشاط وتنشط العقل، وبتساعد في كسر الملل اللي ممكن يصاحب فترات المذاكرة الطويلة.

التحلي بالتفكير الإيجابي: لازم الطلاب يهيئوا نفسهم نفسيًا للامتحانات، ويعتبروا إنها مرحلة طبيعية، مش حاجة تستدعي القلق الزائد، والثقة في النفس هي المفتاح لتجاوزها بنجاح.