شرين عبد الوهاب: حسام هو السبب فى حلاقة شعرى
قدمت الفنانة “شرين عبدالوهاب” اعتذارها إلى الجمهور على الهواء خلال مداخلة هاتفية إلى برنامج “كلمة أخيرة” الذى تقدمه الإعلامية لميس الحديدي على قناة “ON” قائلة: “عاوزة أستغفر ربنا على الكذب اللي كذبته عشان أخلي صورة إنسان تبقى كويسة وأنا كذبت ودي أكتر حاجة ربنا مبحبهاش”.
قالت شرين كدبت في حاجات كتيرة أوى لأني بنت أصول وكنت عاوزة أرفع صورة إنسان ممكن يروح في يوم من الأيام يتجوز من عيلة تانية ولو كنت قلت كلام وحش وقتها مكانش هيعرف يتجوز وأنا نفسي يتجوز ويبعد عنى وأخلص منه”.
وأضافت “كنت عايشة مع راجل مش بيشتغل ولا بيخرج ولا بيشوف أهله ولا أصحابه وكل همه حب الامتلاك، كل ده غير الشتيمة اللى مفيش ست تقبلها على نفسها عير الضرب والسحل على الارض .
ومع ذلك فضلت جمبه، وهو لا يعرف إلا فكرة حب الامتلاك، وصبرت لأنى كنت بحاول أنجح الحب ده ومكنتش بحب اتهزم وأنا بطبعى أكون خدامة الرجل اللي أعيش معاه”.
وفجرت الفنانة شيرين عبدالوهاب مفاجأة بشأن حلاقتها لشعرها زيرو، مشيرة إلى أن طليقها المطرب حسام حبيب هو السبب في وراء حلاقتها لشعرها.
وأجابت الفنانة شيرين عبدالوهاب عن سؤال الإعلامية لميس الحديدي، «هو اللي حلقلك شعرك يا شيرين؟، فاجابتها: «اه أومال أبويا».
وأضافت: «هو اللي وصلني لكده.. كنا في الفورسيزون وزعلانة منه، فجه صالحني، بعدها اتخانقنا وقولتله أمشي قالي لا أنتي هتنزلي معايا دلوقت للمأذون، قولتله يعني أنا أبقى شيرين عبدالوهاب وعايز تجرني تنزلني عشان توديني اتطلق وفضل يستفزني لحد ما حلقت شعري».
