بيحصل للجسم ايه لو شربت شاى بعد الأكل
بيحصل للجسم ايه لو شربت شاى بعد الأكل
هل بتشرب شاي بعد الأكل؟ لو إجابتك نعم، لازم تعرف إيه اللي بيحصل لجسمك بعد شربه.
حذر الدكتور حسام موافي، أستاذ طب الحالات الحرجة، من إن شرب الشاي بعد الأكل ممكن يسبب مشاكل صحية زي الأنيميا.
السبب؟ إن الشاي بيقلل امتصاص الحديد من الأكل، وده ممكن يؤدي لضعف الجسم والشعور بالتعب المستمر.
وتابع حسام: “أعراض الأنيميا بتعتمد على سرعة نزول الهيموجلوبين مش الرقم بس”.
من أعراض الأنيميا زي الصداع، والدوخة، والنهجان، وشحوب الوجه. عشان كده لو كنت بتشرب شاي بعد الأكل، حاول تقلل منه أو تسيب وقت بين الأكل والشاي.
ونصح الدكتور حسام الناس اللي بيشعروا بالأعراض دي إنهم يعملوا فحوصات دم علشان يتأكدوا إذا كانوا مصابين بالأنيميا ولا لأ.
كمان شرب الشاى بعد الأكل ممكن يسبب
صعوبة الهضم:
شرب الشاي بعد الأكل ممكن يبطأ عملية الهضم ويخلّي المعدة مش مرتاحة.
حموضة المعدة:
الشاي ممكن يزيد الحموضة في المعدة، خصوصًا لو كنت بتشربه مع أطعمة دهنية أو حارة.
أرق واضطرابات النوم:
بما أن الشاي بيحتوي على كافيين، لو شربته بعد الأكل في المساء ممكن يسبب صعوبة في النوم.
