نقص الحديد: عادات بسيطة ممكن تمنع امتصاصه أو تزوده
كتير مننا ممكن يعاني من نقص الحديد ومش ياخد باله. المشكلة إن في عادات غذائية ممكن تأثر على امتصاص الجسم للحديد تعالوا نعرف العوامل اللي بتأثر على امتصاص الحديد وإزاي نتصرف.
- فيتامين سي: السر اللي بيزود امتصاص الحديد
لو مش بتاخد كفايتك من فيتامين سي مع الأكل الغني بالحديد، جسمك مش هيستفيد منه كويس. الجسم بيمتص حوالي 5% بس من الحديد النباتي، و20% من الحديد الحيواني.
عشان تزود النسبة دي، ممكن تضيف خضار زي الفلفل أو عصير ليمون جنب اللحوم، لأن الجسم مش بيخزن فيتامين سي وبيحتاجه دايمًا.
- الكالسيوم: العدو الخفي للحديد
تناول الكالسيوم بكمية كبيرة مع الأكل الغني بالحديد ممكن يقلل امتصاصه. يعني لو بتاخد حليب أو منتجات ألبان مع وجبات فيها حديد، ممكن جسمك ما يستفيدش كويس. الأفضل تفصل بينهم شوية.
- الشاي والقهوة: اللذاذة اللي بتأثر على الحديد
الشاي والقهوة مليانين مركبات زي الأكسالات والبوليفينول اللي بتقلل من امتصاص الحديد. لو بتحب تشربهم كتير، حاول تخليهم بعيد عن الوجبات الغنية بالحديد، عشان جسمك يستفيد أكتر.
