بنكير علي صفحته يضع عشرين قاعدة للعمل

وصف محمد سمير الخبير المصرفي القواعد التي تجعل الإنسان يجيد في عمله، ويحقق نجاح متواصل، وتتمثل هذه القواعد في ابتكار طريقة للتعايش، بدون أن يؤثر ذلك على عملك، أو حياتك، ويقدم سمير نصائح حول كيفية التعامل مع الرؤساء والمرؤوسين، يدعو إلي تطوير الذات، وتقييم النفس بعد كل فترة، وعدم اتخاذ أي قرارات في حالة الغضب، والاجتهاد في العمل، ويدعو كل من يجلس على كرسي ولا يضيف له شئ أن يقدم استقالته

وهذه رسالته حول قواعد الشغل:

اتعلمت ايه من الشغل….

قواعد الشغل العشرون ❤❤

١- التعبير عن الرأى مش شطاره اختار الوقت الصح والشخص الصح.

٢- ما تاخدش أى حاجه بشكل شخصى

٣- اعمل حساب لمديرك و اى مدير تانى حتى لو مالوش اى علاقه بشغلك.

٤- خليك صاحب اداء متميز

٥- ما تكتبش e-mail و انت متضايق و لو كتبته ما تدوسش send

٦- ال title مالوش علاقه بالشطاره

٧- ما تعاتبش حد غلط فيك او فى شغلك من اول مره ولا تانى مره كبر دماغك. فى التالته هيسمعك و مش هيعرف يرد

٨- ال escalation بيتعمل فى الbusiness بس . مشاكل ال attitude تتكلم فيها مع اللى مضايقك

٩- لو بتاخد كل سنه نفس التقييم ، اشتغل على نفسك

١٠- انك تكون فى title اقل من امكانياتك و مسؤلياتك احسن من انك تكون بتلوء فى ال title

١١- لما تسمع نفس النقد من اكتر من شخص ، لازم تقف وقفه مع نفسك

١٢ – لو مالقتش حاجه تكتبها و انت بتقيم نفسك ، قدم استقالتك

١٣ – لو ف title كبير و مش بتضيف لشغلك اى حاجه. اقعد فى بيتك والنبى

١٤ – مهما كبرت افضل اشتغل بإيدك حتى لو فى جزء صغير

١٥- لو اشتغلت من ٦ ل ٧ ساعات صافيين من غير تضييع وقت، مش هيبقى عندك حاجه متاخره

١٦- ماتعتمدش على شطارتك و طور نفسك

١٧- لما يشغلوك شغلانه مش بتاعتك ، يعنى انت مصدر ثقه

١٨- علم اللى تحتيك علشان هما اللى هينجحوك

١٩- متخافش على الكرسى عشان مكنش هيوصلك لو دام لغيرك

٢٠- الرزق مش كله فلوس فيه نعمة اسمها النوم مرتاح البال

واخيرا ماتعترضش على القرارات اللى انت عارف انها مش هتتغير .

ابتكر طرق للتعايش